Impadamag ti Philippine Atmospheric, Geophysical and Astronomical Services Administration (PAGASA) iti panagrugi ti Southwest Monsoon wenno Habagat.
Ipakpakita dagiti kauddian nga analysis kadagiti napalpalabas nga aldaw iti kaadda ti southwestery winds iti makinlaud a paset ti pagilian, ken mabalin nga agtultuloy gapu iti pannakabukel ti Tropical Cyclone iti Philippine Sea.
Maysa kadagiti indikasion iti onset ti rainy season iti panagadda ti westerly winds ken ti progression ti general metrological pattern iti pagilian.
Kagiddan iti panagbalin ti Habagat kas dominant weather system, manamnama iti sagpaminsan ken masansan a panagtudo ken thunderstorms, kangrunaan kadagiti makinlaud a paset ti pagilian.
Nupay kasta, posible met a maaddaan ti monsoon breaks nga agpaut ti sumagmamano nga aldaw wenno lawas.
Agtultuloy iti panagmonitor ti PAGASA iti sitwasyon iti panawen ken klima ti pagilian. Mabalakadan iti publiko ken dagiti amin a maseknan nga ahensia nga agsagana kadagiti manamnama nga epekto ti Habagat ken dagiti dadduma pay a klima ken kasasaad ti panawen.###
Ref: PAGASA-DOST
