Madaman iti panagberipikar ti National Bureau of Investigation (NBI) seknan ti damag a nasaripatpatan ni Sen. Ronald dela Rosa iti maysa a yate nga agturong iti saan pay a masinunuo a probinsiya.
Segun kenni NBI Director Melvin Matibag, posible a paset laeng daitoy ti panaggandat a tikawen dagiti otoridad a mangbirbiruk iti senador, a sumangsango ita iti arrest warrant manipud International Criminal Court (ICC) mainaig iti akem na iti war on drugs ti administrasyon Duterte.
Maipalagip a naudi a nagpakita iti publiko ni Senador dela Rosa idiay Senado idi parbangon ti Mayo 14, sumagmamano nga oras kalpasan iti napasamak a pammaltog.
Iti agdama ket agtultuloy latta iti nationwide manhunt para ti pugante a senador.
