Pinaregta ni Parañaque 2nd District Representative Brian Yamsuan iti Maritime Industry Authority (MARINA) nga agbalin a mas aktibo iti panangipatungpal dagiti nainget a pagalagadan para ti kinatalged iti transportasion pangbaybay saan ketdi nga agtignay laeng no nalpasen iti trahedya.
Iti panagdingeg ti House Committee on Transportation seknan iti limneg nga MV Trisha Kerstin 3 idiay Basilan idi Enero a nakatayan dagiti 66 a tattao, binabalaw ni Yamsuan iti arigna nabuntog ken atras-abante a sungbat ti ahensia.
Kwinestion na no apay ta kasapulan pay a maaddaan ti trahedya sakbay a baliwan ti polisiya ken mangidatag dagiti task force.
Impasigurado ni Yamsuan a tumaktakder a vice chairperson ti komite, a nakasagana a tumulong iti Kamara iti panangpondo ken panang-amyenda kadagiti linteg tapno papigsaen iti bileg ti MARINA.
Nangipeksa met ti pannakadismaya ni Committee Chair Franz Pumaren ken dagiti dadduma pay a mammanday-linteg iti kinakurang ti panangmanehar ti ahensia.
Segun kenni Yamsuan, naudin idi inpatungpal ti MARINA dagiti polisiya kas iti online ticketing system, ‘no-ticket, no-boarding’ policy, nainget a panangipakita dagiti signage, ken iti naur-urnos a panangurnong dagiti life vest at life raft.
Mainaig ditoy, pinaregtana iti MARINA a patawen ti nadagdagsen a dusa dagiti managbaybay-a third-party surveyor a mangisaysayangkat ti safety inspections.
Binalakadan na met iti ahensya nga i-review iti 52-years a Charter ken adalen iti mailunglungalong a modernization bill ni Rep. Jurdin Jesus Romualdo tapno makasabay iti panagdur-as ti industriya.###
