Usaren nga ebidensia dagiti sugmamano a kabagian dagiti mapukpukaw a mammallot iti kwarta a maipagarup nga inted kenkuada ti abogado ni Atong Ang.
Segun kenni Dianne Loyola, maysa kadagiti kabagyan dagiti missing sabungeros, adda ti naawat na a ₱30,000 manipud iti abogado ni Ang a ni Atty. Caroline Cruz idi Abril kas tulong kano kanyada.
Maipagarup a masagsagaysa metten dagiti kabagian tapno saan a makadar-ay kadagiti hearing iti kaso kontra kenni Ang a maitudtudo a mastermind wenno utek iti panagpukaw dagiti mammallot sumagmamano a tawenen iti napalabas.
Imbaga pay ni Loyola nga adda dagiti dadduma nangatngato ti gatad a naawat da ken adda dagiti nakakabil pay iti payroll.
Malaksid iti panangipaay ti kwarta, maim-imbetiran da iti farm ni Ang tapno aglangoy ken naitiempo iti kapada nga alda ti hearing kadagiti kaso.
Idi Biyernes, pormal a nangipila ti reklamo nga obstruction of justice da Loyola ken dadduma pay a pamilya dagiti missing sabungeros kontra kenni Cruz iti Department of Justice.###
