Nakailista ti PHIVOLCS kadagiti 1,158 nga aftershocks, manipud 1.3 agingga 6.7, kasaruno ti magnitude 7.8 a ginggined a nangdayeg idiay Sarangani, Mindanao idi Hunyo 8.
Kabayatanna, dumanonen ti 37 ti bilang dagiti natay, segun iti Office of Civil Defense — 33 manipud idiay SOCCSKSARGEN ken uppat manipud Davao Region. Aganay 456 dagiti nadundunor, bayat nga uppat ti agtaltalinaed a mapukpukaw.
Apektado ti nasurok 77k nga indibidwal wenno katupag ti 17,700 a pamilya ti intero a Mindanao.
Agtultuloy iti search, rescue, & retrieval operations sadiay General Santos City ken Sarangani, a karaman kadagiti kakaroan iti epekto na.
Naideklaran ti State of Calamity idiay General Santos City a maibasar iti initial assessment, siyam a rangtay iti nadadael, 19 a kalsada, ken 1,889 balay, karamanen ti agarop 1,500 iti naan-anay a narsuod.
Mapatta-patta a nasurok P900M a gatad ti perdisyon ti nailista, idiay laeng General Santos City.
Malaksid na ket naaddaan pay ti perdisyon ti General Santos International Airport, isu a suspendido amin a commercial flight. Dagiti laeng military, government, ken humanitarian flights ti mapalubosan nga agbiahe.
Adu latta a residente ti adda kadagiti open areas gapo iti pangta ti aftershocks ken ad-adalenen ti gobierno iti panangipasdek kadagiti temporary shelters para kadagiti napukawan ti pagtaengan.
