Indauloan ni Presidente Ferdinand Marcos Jr. iti panagrambak ti maika-128 nga anibersaryo ti Philippine Navy, nu sadinno, nagpanawagan isuna iti agtultuloy a panangpapigsa ken modernisasyon ti hanay iti kangitingitan dagiti pangta ti seguridad ditoy pagilian.
Naibida met iti nasao nga okasyon ti BRP Rajah Lakandula, baro a barko ti Philippine Navy a manamnama a mangpapigsa iti panagbantay ti kabaybayan, kasta met iti panangsalaknib iti soberanya ken panangitandudo iti interes ti Pilipinas.
Dinayaw na pay ti napartak a panagtignay ti Naval Forces Eastern Mindanao kadagiti naapektaran ti magnitude 7.8 a ginggined idiay Mindanao, nu sadinno ket dagos a na-activate dagiti disaster response systems ken naipasidong ti heightened alert dagiti rescue teams.
