BR LA UNION – Saan a madanagan ni sigud nga Ilocos Sur Governor Luis Chavit Singson iti pannaka-arestar na gapu iti kaso a cyberlibel nga impila ti saan a nainaganan a grupo.
Daytoy ket kasaruno dagiti nagwaras a ladawanna a naka-mugshot ken nakemmeg gapu iti nasao a kaso.
Iti pannaki-uman ti Bombo Radyo kenni Singson, impaganetgetna nga awan ti basolna isu nga awan met ngarud ti rumbeng a pagdanaganna.
Kinunana nag insigida met laeng a nag-pyansa kalpasan a naawatna ti nasao a reklamo.
Nupay kasta, agdudua daytoy iti nasao a kaso ngem awan ti parikot kenkuana agsipudta kabaelanna met a labanan ken patienna a maysa a dayaw ti maidarum agsipudta maysa daytoy kunana a gundaway tapno ilaban ti kinapudno.
Impalagipna iti publiko a no adda dagiti mangireklamo kadakuada ket saan a rumbeng a mabuteng nga ilaban iti pudno ken kalabanen dagiti tattao a pudno nga adda basolna.
