Dumanonen ti 61 ti bilang dagiti pimmusay iti Magnitude 7.8 a ginggined idiay Mindanao idi Hunyo 8.
Segun iti Office of Civil Defense (OCD), agtultuloy paylaeng ti beripikasyon iti pakabigbigan dagiti biktima iti panagdayeg.
Aganay 33 a tattao pay ti agdama a mapukpukaw bayat a 1,221 met ti nailista a nadundunor, karamanen dagiti adu nga estudyante a nakapadas ti trauma ken agpapaagas paylaeng kadagiti ospital.
Kinuna ti ahensya a kaadwan kadagiti pimmusay ket gapo iti panagreggay ti daga ken pannakarsuod dagiti pasdek wenno napandagan kadagiti debris idiay General Santos City, Jose Abad Santos (Davao Occidental), ken Sarangani Island.
Agtultuloy latta iti search and rescue operations kadagiti lugar a narigat a madanon gapo kadagiti landslides, kasta met iti panangipatulod ti taraon, mainom a danum, tents, ken dadduma pay a relief supplies babaen kadagiti eroplano, barko, ken helicopter ti gobierno.
Nakaserra paylaeng agingga ita ti commercial flights ti General Santos City Airport, ngem silulukat daitoy para kadagiti humanitarian missions.
