Nakailista ti 0-0 draw iti Cape Verde kontra ti powerhouse nga Spain iti Group H match idi Lunes (aldaw idiay America) iti agtultuloy a 2026 FIFA World Cup.
Naklaat dagiti fans iti nasao resulta agsipud ta ninamnama da a nalaka laeng daytoy para iti Spain kontra iti pagilian nga adda iti maika-64 ken umuna a daras a nakipaset iti World Cup.
Nupay nangaramid ti ado a gundaway iti Spain tapno maka-goal, saan da a nakalusot iti natibker a depensa ti Cape Verde.
Kangrunaan a bimmida iti laban ti beterano a goalkeeper a ni Vozinha, 40 anyos, kalpasan ti 7 saves karaman iti pananglapped kadagiti tira da Ferran Torres ken Aymeric Laporte.
Iti pakabuklan, dimmanon ti 74% iti possession ti Spain ken nakailista da ti 2.29 expected goals (xG).
Para iti Cape Verde, umdasen iti maysa a shot on target ken disiplinado a depensa tapno maala iti historikal a resulta kontra iti maysa kadagiti kapigsaan a koponan iti lubong.###
