Impaganetget da Presidente Ferdinand Marcos Junior ken German President Frank-Walter Steinmeier iti panangpapigsa iti koneksyon ti Pilipinas ken Germany kadagiti napapateg a sektor a kas ti depensa, peacebuilding, maritime cooperation, ken panagpuonan.
Imbatad dagiti dua a lider iti panagkumit ti naangay a bilateral meeting idiay Malacañang ita nga aldaw ti Martes, Hunyo 16.
Dinakamat da pay dagiti addang kontra climate change, panagparang-ay ti renewable energy, ken panangpalawa ti people-to-people exchanges.
Nagsinnukat da met ti perspektibo mainaig kadagiti napanpanawen nga isyu iti rehiyon ken ti intero a lubong.
Pormal nga inawat ni Presidente Marcos ni Steinmeier para ti official state visit na.
Maibilang daitoy a pakasaritaan gappuanan ta isuna ti kaunaan a Presidente manipud Germany a bimmisita ditoy Pilipinas iti uneg ti 63 a tawen.
Segun iti Presidente, ti delegasyon ti Germany ket addaan kapada a prinsipyo kadagiti adu a sangalubongan nga isyu, isu a manamnama iti nainget a kooperasyon dagiti dua a pagilian para kadagiti sumaganad a tawen.
