Natiliwen ti otoridad dagiti suspek ti napasamak a pammaltog idiay San Jose National Highschool, Tacloban City, Leyte.
Segun iti Police Regional Office-8 (PRO-8), dua a menor de edad iti suspek. Ti maysa ket naarestar iti uneg ti pagadalan bayat a ti maysa met ket timmakas ngem idi agangay ket nag-surrender tapno makikoordinar kadagiti otoridad.
Iti naangay nga insidente ket tallo iti kumpirmado a natay bayat a lima pay dagiti nadundunor.
Kagiddan na ket suspendido metten iti serrek kadagiti pagadalan ti San Jose Central Shool, Manlupi Elementary School, ken San Jose National Highschool.
Maibasar iti imbestigasyon, nakapadas iti panagbully ti maysa kadagiti suspek ngem kumpirmaren pay daitoy dagiti otoridad.
Nangiruar metten ti opisyal a waragawag ti Department of Education Regional Office VIII ken impasigurado ti panangipaay ti psychosocial support kadagiti estudyante ken mannursuro a personal a nakita iti insidente.
Kabayatanna, pagaammo a kangrunaan a probisyon ti Republic Act No. 9344 wenno Juvenile Justice and Welfare Act of 2006 ditoy Pilipinas ket ti panangilaksid kadagiti ubbing nga agtawen ti kinse (15yo) manipud iti criminal liability, ngem mabalin da a maipasidong kadagiti intervention programs.
Posible latta a mailaksid iti panagbasol dagiti agtutubo nga agtawen ti 15, 16, ken 17 nu ti krimen ket “acted without discernment” wenno di da nga ammo nu usto wenno saan ti naaramid da.
