Impasidong ti Armed Forces of the Philippines (AFP) iti Red Alert Status ti amin a unit da idiay National Capital Region (NCR).
Ti nasao nga addang ket tapno masiguro a nakangato iti panagalerto da.
Nairanta pay daytoy tapno nakasagana dagiti personnel ken assets a pangsuporta ingkaso a kiddawen ti civil authorities kas nakailanad iti konstitusyon.
Agtul-tuloy ti koordinasyon da iti Philippine National Police (PNP) ken dadduma pay a maseknan nga ahensiya ti gobyerno para iti panangsiguro ti kinatalged ti publiko ken agtultuloy a panangipaay kadagiti napateg a serbisyo.
Siniguro pay ti militar nga agtalinaed da a propesyonal, non-partisan ken ilungalong laeng ti umno kas nakailanad iti linteg, panang-protektar iti karbengan dagiti tattao ken kinatalged ti pagilian.
