Nagbalinen a bagyo ti Low Pressure Area (LPA) nga adda iti Daya ti Visayas, segun ti Philippine Atmospheric, Geophysical and Astronomical Services Administration (PAGASA).
Maibasar ti Tropical Cyclone Advisory No. 1, naudi a nasaripatpatan iti sentro ti Tropical Depression HAISHEN iti ruar ti Philippine Area of Responsibility (PAR) iti kaadayo a 1,265 km Daya ti Eastern Visayas.
Kabuyog na iti kapigsa ti angin a 55 km/h asideg ti tengnga ken kapegges nga agingga 70 km/h.
Agdama nga agturong ti bagyo iti Laud Amianan-a-laud iti kapaspas a 30 km/h.
Posible a sumrek daytoy iti PAR inton rabii wenno inton bigat, Hulio 14 ken mapanaganan ti Bagyo JOSIE.###
