BR LA UNION – Nabukel iti lima a dadakkel a landslide dam wenno artificial lake iti kabakiran a paset ti Brgy. Mudan, Glan, Sarangani, gapu kadagiti insidente ti landslide a gapwanan ti magnitude 7.8 a gingined a timmama idi Hunyo 8, 2026.
Babaen ti drone ti Philippine National Police- Sarangani Mobile Force Company, naalaan da ti video iti aganay lima a nabukel a dam kalpasan a nagturong iti grupo nga indaulwan ni Vice Mayor Victor James Yap Jr. iti nasao a lugar tapno makita iti sitwasyon.
Nagballaag ti bise mayor a posible a mangigubway ti flash flood idiay Barangay Mudan ken Barangay Glan Padidu nu naan-anay nga agreggay dagiti dam, isunga ad-adalen ita ti lokal a gobyerno dagiti addang tapno masungbatan iti sitwasyon.
Innayon ni Yap, a maysa kadagiti nabukel a dam iti posible a makagapo iti napasamak a panaglayos idiay Barangay Mudan idi Hulyo 11, kalpasan ti sumagmamano nga aldaw a napigsa a panagtudo gubway ti habagat a pinapigsa ti bagyo Inday.
