Abansen iti finals ti FIFA World Cup 2026 iti defending champion nga Argentina kalpasan nga inabak da ti England, 2-1, iti semifinal a naangay iti Mercedes-Benz Stadium idiay Atlanta, Georgia.
Immuna a naka-iskor ti England iti maika-55 a minuto babaen kenni Anthony Gordon. Nupay kasta, intabla ti Argentina iti laban idi naka-iskor ni Enzo Fernández iti maika-85 a minuto babaen ti assist ni Lionel Messi.
Iti stoppage time, naiserrek ni Lautaro Martínez iti winnig goal, babaen ti assist ni Messi, tapno makompleto iti comeback ti Argentina ken maselioan ti puesto da iti finals.
Sanguen ti Argentina iti Spain iti World Cup final inton Hulio 19 idiay New York/New Jersey Stadium, bayat nga agsango ti England ken France para iti third-place playoff.###
