Nainget a pinaglibakan ni Philippine Coast Guard spokesperson for the West Philippine Sea Rear Admiral Jay Tarriela iti waragawag ti China Coast Guard (CCG) a maipagarup a nakibiang dagiti personnel ti Philippine Navy iti Ayungin Shoal kalpasan iti insidente idi Hulio 20.
Segun kenni Tarriela, adda iti uneg ti exclusive economic zone (EEZ) ti Pilipinas iti BRP Sierra Madre ken ti CCG iti nangisayangkat ti saan nga otorisado a panagasideg ken naranggas a ganuat kontra kadagiti suldado a Pilipino.
Maysa a Chinese crew member iti maipagarup a nangmalo iti ulo ti maysa a suldado babaen ti maysa a baton a naaramid ti kayo, bayat nga inpanpanagetget nga iti Ayungin Shoal ket paset ti EEZ ken continental shelf ti Pilipinas maibasar ti 2016 Arbitral Award iti sidong ti UNCLOS.
Inpaganetget met ti opisial nga awan ti legal nga hurisdikasion ti China iti Ayungin Shoal ken dagiti alegasion ti CCG ket gandat a baliktaden iti papel ti aggressor ken biktima.###
