Agtultuloy a pumigpigsa ti Severe Tropical Storm Kiyapo bayat iti panagturongna iti West Philippine Sea.
Naudi a nasaripatpatan iti sentro ti bagyo iti kaadayo a 140 km Daya Amianan-a-daya ti Calayan, Cagayan.
Kabuyog na iti kapigsa ti angin nga 110 km/h asideg ti tengnga ken kapegges nga agingga 135 km/h.
Dupdupagen ti bagyo iti Laud Amianan-a-Laud iti kapaspas a 30 km/h.
Maibasar iti Tropical Cyclone Bulletin #14 ti PAGASA, nakapasidong ti Wind Signal No. 2 iti Batanes ken ti western portion ti Babuyan Islands.
Tropical Cyclone Wind Signal no. 1
- Rest of Cagayan
- Northern portion of Isabela (Santo Tomas, Santa Maria, Quezon, Delfin Albano, San Pablo, Tumauini, Cabagan, Mallig, Maconacon, Quirino, Roxas)
- Apayao
- Abra
- Kalinga
- Mountain Province
- Ilocos Norte
- Northern and central portions of Ilocos Sur (Cabugao, Sinait, San Juan, Magsingal, Santo Domingo, Bantay, San Ildefonso, San Vicente, Gregorio del Pilar, San Esteban, Banayoyo, Cervantes, Burgos, City of Candon, Santa Lucia, Santiago, Santa Catalina, Lidlidda, Nagbukel, Suyo, Sigay, Galimuyod, Quirino, City of Vigan, San Emilio, Caoayan, Santa, Tagudin, Santa Cruz, Santa Maria, Narvacan, Salcedo, Alilem)
Gapu ti bagyo, makapadas ti stormy weather condition iti Ilocos Norte, Batanes, ken Babuyan Islands iti agpatnag bayat a panagtudo nga addaan ti kabuyogna nga angin idiay Cordillera Administrative Region, nabatbati a paset ti Cagayan Valley, Ilocos Sur, La Union, ken Aurora.
Nagballaag iti state weather bureau a posible dagiti flash floods wenno landslides gapu ti napigsa a panagtudo.
Kabayatanna, mangipaay met iti panagtudo ti Southwest Monsoon idiay Zambales, Occidental Mindoro, Palawan, Antique, Iloilo, Guimaras, Negros Occidental, Metro Manila, Visayas, nabatbati a paset ti Luzon, Zamboanga Peninsula, BARMM, Northern Mindanao, SOCCSKSARGEN, Agusan del Norte, Surigao del Norte, ken Dinagat Islands. Bayat a mapatto-pattok a panagarbis iti nabatbati a paset ti Mindanao.
Iti forecast track, agtultuloy a tumbuken ti STS Kiyapo iti laud amianan a laud sadiay West Philippine Sea aginggana ita a bigat, Hulio 25 sakbay nga agturong iti southern mainland China.
Rumuar ti bagyo iti Philippine Area or Responsibility (PAR) ita nga aldaw.
Gapu ti napintas a kondision iti aglawlaw daytoy, mabalin a pumigsa pay ken madanon ti typhoon category sakbay nga ag-landfall idiay mainland China. Kalpasanna, kumapsot ti bagyo kabayatan iti panagdupagna iti kadagaan.###
