Inikkan ni House Deputy Speaker Francisco Paolo Padua Ortega V ti 10 out of 10 iti nagbalin a panangilatag ti House prosecution panel dagiti testigo ken ebidensia iti agtultuloy nga impeachment trial ni Bise Presidente Sara Duterte, gapu ta naiparang ti prosekusion dagiti kasapulan nga impormasion nga awan ti tubeng.
Segun kenni Ortega, napateg a sibubukel a maiparang dagiti ebidensia tapno maikkan ti nalawag a basaran iti Senado kas impeachment court iti panagresolba ti kaso.
Kenuna met ti mammanday-linteg a namnamaen na a mapapartak iti taray ti panagusig, kagiddan ti panangikagumaan dagiti senator-judges ken ti impeachment court nga aramiden a mas episiente dagiti panagdingngeg a saan a maisakripisio iti naan-anay a presentasion dagiti ebidensia ken testimonya.
Immunan nga inwaragawag ti House prosecution panel a nabayagen a pagsagsaganaan daytoy iti presentasion dagiti ebidensia ken agtaltalinaed a nakasagana iti panagusig.
Kabayatanna, kenuna met ti impeachment court a mangisaysayangkat daytoy dagiti addang tapno maliklikan iti saan a kasapulan a pannakaitantan, karaman iti panangpawayway ti oras ti panagdingngeg ken panag-streamline ti presentasion dagiti testigo no kasapulan.###
PLAY VIDEO CLIP – CONG. ORTEGA
