Dumanonen ti 80k nga indibidwal wenno nasurok 23k a pamilya ti apektado iti napagkadwa a Bagyong Maymay, Habagat, ken ti napalabas a Bagyong Luis, segun iti Office of the Civil Defense (OCD).
Nailista dagiti apektado a pamilya manipud ditoy Ilocos Region, idiay Cagayan Valley, Central Luzon, Zamboanga Peninsula, Bangsamoro Autonomous Region in Muslim Mindanao (BARMM), ken ti Cordillera Administrative Region. Nalayus met ti 83 a nagduduma a lugar kadagiti nadakamat a probinsya.
Kadagitoy ket nasurok 2k a pamilya ti nabakwit kadagiti evacuation centers. Aganay 12 met a pagtaengan dagiti apagapaman a nadadael.
Iti sabali a bangir, impatalged ti Department of Social Welfare and Development (DSWD) iti tulong para kadagiti apektado.
Naka-preposition iti agdama dagiti family food packs ken standby funds ti ahensya apaman a kasapulan.
