Impadanon iti House Prosecution counsel Atty. Lorna Kapunan sadiay Senate Impeachment Court nga “na-Indian” ida iti depensa kasaruno a tagiawanen iti mensahe ti prosekusyon ken saan a nagparang kadagiti aldaw ti Huebes wenno Biernes tapno tingitingen dagiti acknowledgement receipts seknan ti misuse of confidential funds charges kontra kenni Bise Presidente Sara Duterte.
Iti manipestasyon na ti maika-14 nga impeachment trial ita nga aldaw ti Martes, Agosto 11, ket kinuna ni Artty. Kapunan a mangipasimudaag daitoy iti “bad faith” manipud iti biang ti depensa agsipud ta mapapati a nagkurang da kadagiti abogado ken awan iti umdas nga oras tapno tungpalen iti pammilin ni Trial Presiding Officer Francis Escudero.
Pagaropen ni Kapunan a nangipatulod iti prosekusyon ti mensahe idi Mierkules tapno damagen nu katnu mabalin nga agsarak ti dua a dasig para ti stipulation kadagiti dokumento.
Maipalagip nga idi napalabas nga impeachment trial ket binilin ni Escudero ti dua a dasig tapno agtaripnong iti Agosto 6 wenno 7 tapno iyarig dagiti acknowledgement receipts a pinagkedkedan ti depensa nga i-stipulate.
