Nangipeksa iti kinasagana a makitaripnong iti South Korea idiay North Korea tapno gibusenen ti agingga ita ket “State of War” status paylaeng ti dua a pagilian.
Segun kenni South Korean President Lee Jae Myung, napateg ti kaadda iti “multi-layered security system” tapno maliklikanen iti panagkaro iti tensiyon. Babaen iti panagtaripnong kunana ket posible a makissayan iti tenyon iti Demilitarized Zone (DMZ).
Nangidiaya ni Lee ti praktikal a wagas tapno malapdan iti nuclear ambition iti North Korea a pagaammo nga agtultuloy iti ballistic missile testing na.
Temporario laeng a naipasardeng ti aktibo a gyera ti North ken South Korea kalpasan iti pannakaperma iti armistice idi tawen 1953.
Nupay kasta, awan met iti peace treaty ti dua a pagilian isu nga adda da latta iti sidong ti “State of War.”
Kadagiti sumaganad a dekada, sumagmamano met a naaddaan iti tensiyon ken riribuk sadiay DMZ, nu sadinno ket agpada nga inkusaran ti nagsinnumbangir a dasig a mangirugrugi iti tensyon.
