BR LA UNION – Iti panagrugi ti maika-19 nga aldaw ti impeachment trial kontra kenni Vice President Sara Duterte idi kalman (Agosto 26), impaayan ti Senate Impeachment Court ti gundaway ni private prosecutor Atty. Virgil Ligutan tapno agpalawag seknan iti kontrobersyal nga online post na idi Agosto 12, 2026 a dinillaw ti defense team.
Iti counter-manifestation na, kinuna ni Ligutan a saan a personal ti im-post na.
Kinunana a kayatna laeng a lawlawagan para iti publiko kasta metten kadagiti law students, a saan a maipalubos dagiti ‘misleading questions’ wenno makaallilaw a saludsod iti proseso ti korte.
“To the defense, the post is not about you. It is not personal. It is about the law that we all adhere to. It is about what we teach the public who are watching our trial. Correcting a mistake is never wrong. Doing it while a hearing is ongoing, online, does not make it wrong,” Ligutan said.
“Ang pagtatama ng mali ay hindi kailanman ipinagbabawal. Kahit sa loob ng impeachment court na ito (Correcting any mistake is never prohibited. Even inside of this impeachment court),” he added.
Impaganetget ti beterano a litigator, awan ti dinakamat na a partikular nga abogado manipud iti kampo ti depensa, awan ti linabsing na nga anyaman nga allagaden ti korte, ken saanna met a tinalantan ti maipapan iti merito ti kaso.
Kinuna na nga itultuloy na ti tarigagay na nga agisuro ti linteg iti publiko nga uray agserserbi isuna ita kas maysa a miyembro ti House prosecution panel.
