Apagapaman a pimmigsa ti Tropical Depression Pilandok bayat nga adda iti kabaybayan a sakupen ti akindaya a paset ti Extreme Northern Luzon.
Naudi a nasaripatpatan iti sentro ti bagyo iti kaadayo nga 1,130 km Daya ti Extreme Northern Luzon. Kabuyog na iti kapigsa ti angin a 55 km/h asideg ti tengnga ken kapegges nga agingga 70 km/h ken dandani saan nga aggargaraw.
Manamnama a rumuar daytoy iti Philippine Area of Responsibility inton Mierkules, Setiembre 2 wenno agsapa ti Huwebes.
Naudi met a nasaripatpatan iti Bagyo Saudel iti ruar ti Philippine Area of Responsibility (PAR) iti kaadayo nga 1,180 km Laud ti Extreme Northern Luzon, ken ti maysa pay a bagyo iti kaadayo a 485 km Laud Amianan a Laud ti Itbayat, Batanes.
Kabayatanna, mangipaay iti Habagat ti monsoon rains ditoy Ilocos Region, idiay Abra, Benguet, Bataan, Zambales, Tarlac, ken Pampanga; occasional rains wenno sagpaminsan a panagtudo iti Cordillera Administrative Region, Batanes, Babuyan Islands, Nueva Vizcaya, Nueva Ecija, ken Bulacan; mawaraswaras a panagtudo idiay Metro Manila, CALABARZON, nabatbati a paset ti Cagayan Valley, Aurora, Occidental Mindoro, Oriental Mindoro, Marinduque, Romblon, Aklan, ken Antique; ken mapatto-pattok a panagarbis iti nabatbati a paset ti Luzon, Negros Island Region, ken iti nabatbati a paset ti Western Visayas.
Bayat a localized thunderstorms iti mangapektar idiay Mindanao ken iti nabatbati a paset ti Visayas.
SUNRISE: 5:44 AM
SUNSET: 6:12 PM
