Nangideklaran iti State of Calamity ti Tarlac gapo iti nalawa a perdisyon a pinataud iti Southwest Monsoon wenno Habagat.
Kinuna ni Tarlac Governor Christian Yap nga inaprobaranen ti Sangguniang Panlalawigan da iti Resolution 416-2026 a mangidekdeklara para iti intero a probinsya a maipasidong iti nasao nga estado.
Daitoy ket maibasar metlaeng iti rekomendasyon ti Provincial Disaster Risk Reduction and Management Council (PDRRMC).
Adu a lugar idiay Tarlac iti agdama a makapadpadas iti nasaknap a panaglayus, bayat a dua payen a rangtay dagiti narsuod gapo iti awan-sarday a panagtudo.
