Naideklara ti State of Calamity kadagiti 88 a lugar ditoy Pilipinas gapo iti epekto ti Habagat ken dagiti naglabas a Bagyong Luis ken Maymay, segun iti Office of Civil Defense (OCD).
Manipud iti update iti ahensya ita nga aldaw ti Biernes, Agosto 21, naipasidong iti state of calamity dagiti sumaganad a lugar ditoy Luzon:
Pangasinan:
Dagupan City
Santa Barbara
Mangaldan
Bugallon
Mangatarem
Bataan — province-wide
Bulacan — province-wide
Pampanga — province-wide
Zambales:
Masinloc
Rizal:
Rodriguez
Cavite — province-wide
Batangas:
Nasugbu
Babaen iti nasao nga estado ket mapapartak iti pannakairuar kadagiti emergency funds a kas ti Quick Response Fund.
Mabalin pay a ma-control iti presyo dagiti kangrunaan a magagatang, malapdan iti hoarding, ken mapapartak iti relief, kasta met ti rescue & rehabilitation efforts kadagiti lugar a nagsagaba iti perdisyon.
Strikto pay nga ipatungpal ti Department of Trade and Industry (DTI) iti price freeze kadagiti kangrunaan a produkto kadagiti nakapaisidong ti state of calamity, a kas maiyannurot iti Republic Act No. 7581 wenno iti Price Act.
Babaen iti linteg ket agtalinaed ti prevailing price iti presyo dagiti essential goods ti las-ud iti 60 nga aldaw, malaksid nu nasapa a maibabawi iti price freeze.
Iti sabali a bangir ket dumanonen iti 29 dagiti natnatay, 19 ti nadundunor, bayat a tallo (3) dagiti mapupukaw a konektado kadagiti didigra.
Dumanon met iti 1.9M a pamilya wenno 6.6M nga indibidwal dagiti naapektaran, karaman dagiti agtaltalinaed kadagiti evacuation centers.
Nangigubuay pay dagiti nagsasaruno a didigra iti nalawa a perdisyon iti tay-ak ti agrikultura ken imprastruktura.
