Pinasingkedan ti Bureau of Immigration (BI) nga ti agdama ket adda iti ruar ti Pilipinas ti agkabsat nga isuda Senador Alan Peter Cayetano ken Pia Cayetano.
Maibasar iti record ti ahensya ket awan ti hold departure order wenno aniaman a derogatory record kontra ti agkabsat a senador isu nga awan iti legal a lapped iti panagbiahe da.
Kas maiyannurot iti Data Privacy Act of 2012, saan a mabalin a mai-publiko dagiti dadduma pay a detalye ti biahe, agraman ti destinasyon ken itinerary.
Mapagsasaritaan iti panagpaballasiw-taaw da iti kangitingitan dagiti kontrobersiyal a reclamation activities idiay Laguna de Bay.
Immunan nga imbutaktak ni Senador Panfilo “Ping” Lacson a posible a dumanon ti ₱3.7B a pondo ti publiko iti nagturong kadagiti saan nga otorisado a reclamation ken flood control projects kadagiti nagduduma a paset ti Taguig City.
