Kinondenar ni Senador Alan Peter Cayetano ti panangipila iti kaso a plunder kontra ti kaalyado na a ni Senador Rodante Marcoleta.
Kinunana a daitoy ket maysa a klase iti pananggipit iti kritiko ti gobierno ken gandat a panangilisi iti atensyon ti publiko manipud kadagiti maanomalya a flood control project.
Segun kenni Cayetano, mabalin a mangigubuay daitoy iti “chilling effect” kadagiti mamanday-linteg ken opisyales a mangilunglungalong iti pagsungbatan kadagiti kaso iti korapsyon. Nalawag kunana a harassment iti mapaspasamak kadakuada.
Iti biang met ti Office of the Ombudsman, impilaan dan iti kaso a plunder ken indirect bribery ni Senador Marcoleta gapo iti saan na a panangideklara ti P75-M a campaign donations.
Pinaglibakan daitoy iti senador, ken impaganetget a legal amin a naaw-awat na a donasyon.
Inlawlawag iti Philippine National Police – Criminal Investigation and Detection Group nga awan pay iti warrant of arrest kontra kenni Marcoleta kasaruno iti waragawag a nakasagana da iti panangiserbi ti aresto aniaman nga oras nu ipaulogen daitoy iti korte.
Kabayatanna, nagleppas metten iti tallo nga aldaw iti rally ti Iglesia ni Cristo. Pagaammo a nalatak da a miembro ni Marcoleta ken inlawlawag pay iti pannakangiwat da a maysa iti panggep ti grupo iti panangisayangkat ti rally ket iti panangiyebkas ti suporta para iti nasao a senador.
