Manamnama a sumango a mismo idiay Sandiganbayan kas testigo iti bukod a depensa ni Leyte Representative Ferdinand Martin Romualdez seknan iti P7.44-B plunder case kontra kenkuana.
Segun iti abogado na a ni Atty. Ade Fajardo, panggep ni Romualdez nga isakit iti bagbagi na kalpasan iti pre-trial proceedings.
Posible met nga ipasango pay iti depensa dagiti sumagmamano a security aides ken drivers iti co-accused a ni sigud nga Ako Bicol Representative Zaldy Co, karamanen ni Orly Guteza, nga nagbabawi iti immun-una na a waragawag.
Mapatta-patta a 40 dagiti posible a testigo iti depensa, ngem mabalin pay daitoy nga agbaliw, depende iti ebidensya ti prosekusyon.
Agtaltalinaed a nakadetene ni Romualdez idiay Quezon City Jail-Male Dormitory, Payatas, bayat nga at-large pay dagiti kakadwa na nga co-accused, agraman ni Zasldy Co.
Nagpalagip met ti Sandiganbayan iti abogado ni Romualdez kasaruno a madamag iti media ti panangibasa iti impormasyon mainaig iti arraignment.
Imbatad iti Korte a paset daitoy iti proseso tapno maamwan iti akusado dagiti alegasyon kontra kenkuana.
