BR LA UNION – Nakailista ti baro a record iti pakasaritaan ti pagilian a Japan.
Iti umuna a gundaway ket naartapanna iti 100,000 a bilang dagiti tattao nga agtawen ti 100 ken agpangato.
Segun iti Ministry of Health, Labor and Welfare, iti populasyon dagiti centenarians ket immadu iti maika-56 itan a nagsasaruno a tawen ken consistent a ranked one kas world’s longest-living countries.
Ita laeng a bulan ti Setyembre ket nakailista ti 107,677 a bilang dagiti centenarians idiay Japan.
Daytoy ket dandani 8,000 a mas nangatngato kumpara idi napalabas a tawen.
Kaadwan iti nasao a bilang ket babbai a buklen ti 88 percent wenno kaibatugan ti 94,298.
Kinuna ni Health Minister Kenichiro Ueno, nga adu kadagiti umili da iti agtaltalinaed nga aktibo ken addaan ti nasalun-at a pammagi.
Iti oldest living person idiay Japan ket ni Fuyo Kishimoto, 114-year-old a baket manipud Kyoto, ken ni Hikaru Kato, maysa a 112-year-old a lakay manipud Kumamoto, Japan.
Segun iti World Bank, ti Japan ket addaan ti average life expectancy nga 84 years old idi 2024, according to the World Bank.
