Para kenni sigud a Supreme Court CJ Artemio Panganiban, iti kasapolan a voting threshold para iti pangngeddeng wenno conviction ket saan nga awtomatiko a nakalansa iti 16 a botos, ngem ketdi nakadepende iti bilang dagiti senator-judges nga aktibo a makipaspaset iti panagusig.
Nupay literal a ti two-thirds iti 24 a senador ket 16, impaganetget na a ti interpretasyon ti Konstitusyon ket saan a rumbeng nga idalan laeng iti simple a numero ngem ketdi kitaen iti tarigagay ken konteksto daytoy.
Impaganetget ni Panganiban a ti desisyon ti Senado seknan iti daytoy nga isyu ket pinal ken saanen a maiyapela (final and unappealable) agsipudta isuda ti addan bileg nga agdesisyon iti bukod da nga allagaden kas maysa ken kakaisuna a tribunal.
