BR LA UNION – Nakasagana ti House of Representatives iti bicameral conference committee tapno pagmaymaysaen iti gakat kontra iti political dynasty nu naaprubaranen ti Senado iti bersyon na.
Daytoy iti inwaragawag ni Lanao del Sur Rep. Zia Alonto Adiong.
Segun kenni Adiong, naipasas ti Kamara iti maikatlo ken maudi a panagbasa ti House Bill No. 8389 wenno Anti-Political Dynasty Act idi Hunyo 3 iti botos a 267 pabor, 20 ti kontra ken pito nga abstention.
Kabayatanna, nakapenpen pay laeng iti maikadwa a panagbasa idiay Senado iti Senate Bill No. 1901 nga addaan ranta a limitaran ti agiddan ken agsasaruno a panagiggem ti posisyon dagiti agkakabagyan a nabotosan.
Iti waragawag ni Adiong ket kasaruno iti pammilin ti Supreme Court idiay Kongreso nga ipasa ti linteg kontra iti political dynasty iti kabiitan a panawen, 39 a tawen kalpasan nga intuding iti 1987 Constitution ti nasao a mandat
