Nangiyekbas ti kinasagana dagiti sumagmamano a mammanday-linteg a makipaset iti maritime domain awareness nga ar-aramiden ti Philippine Coast Guard (PCG) idiay West Philippine Sea.
Segun kenni Representative Terry Ridon ti Bicol Saro Partylist iti maysa nga interview iti Bombo Radyo, no adda dagiti senador nga agduadua a mangipakita ti suporta para iti posision ti PCG iti kabaybayan ken teritorio ti pagilian, ket nakasagana iti Kamara a makipaset iti programa.
Nakalidayan met ni Ridon nga adda dagiti rumrummuar a waragawag nga arigna mangpakpakapsut iti claim iti lugar a sigud a kukua ti Pilipinas.
Tarigagay ti mammanday-linteg iti silulukat ken naurnos a panangtalantan seknan iti ilablaban ti pagilian a teritorio.
Impaganetget ni Ridon a kukua ti pagilian iti West Philippine Sea ken tarigagayna a saan a mamantiaan daytoy ti panagdudua iti aniaman a wagas ken panawen.
Kenunana, ti Kalayaan Islan Group ket paset iti teritorio a napateg nga alagaan agingga kadagiti sumarsaruno nga henerasion.###
