Alas-dos itay parbangon, naudi a nasaripatpatan iti maysa a Low Pressure Area (LPA) iti ruar ti Philippine Area of Responsibility (PAR) iti kaadayo nga 1,805 km Daya ti Eastern Visayas ken addaan ti “MEDIUM” chance nga agbalin a bagyo iti sumaruno a 24 nga oras.
Nupay adda iti ruar ti PAR iti nasao nga LPA, makapadas ti nalulem a tangatang a nabuyogan ti mawaraswaras a panagtudo ken panagguruod idiay Eastern Visayas, Caraga, Bohol, ken Davao Oriental gapu ti trough wenno tartaraipos daytoy.
Kabayatanna, agtultuloy a mangipaay iti Southwest Monsoon ti apagapaman agingga nalulem a tangatang ken mapatto-pattok a panagarbis wenno panagguruod idiay Palawan, Occidental Mindoro, ken Oriental Mindoro.
Ti kapada a paniempo iti igubuay ti Localized Thunderstorms idiay Metro Manila ken iti nabatbati a paset ti pagilian.
SUNRISE: 5:47 AM
SUNSET: 5:54 PM
