BR LA UNION – Isag-sagana ti Department of Migrant Workers wenno DMW ti reintegration assistance para kenni Mary Jane Veloso kalpasan a naipaayan ti absolute pardon babaen kenni Presidente Ferdinand Jarcos Jr.
Binilin ni Migrant Workers Secretary Hans Leo Cacdac ti maysa a team nga agturong idiay Nueva Ecija tapno makikoordinar iti pamilya ni veloso ken kadagiti lokal nga opisyal para iti maiyannatop nga assistance package.
Karaman a maisag-sagana ti suporta ti departamento ken Overseas Workers Welfare Administration, a psychosocial counseling, livelihood starter kits, puonan para iti negosyo ken skills training.
Mabalin met a maikoordinar dagiti plano a negosyo ni Veloso kadagiti kooperatiba ken programa ti ekonomiya idiay Nueva Ecija.
Nakaawiden ni Veloso ken nakadinna manen iti pamilyana kalpasan a nawayawayaan manipud iti Correctional Institution for Women idiay Mandaluyong City idi bigat ti Sabado, Setyembre 26, 2026.
Naaresto ni Veloso idiay Indonesia idi 2010 kalpasan a nabiktima ti human trafficking ken inawit na ti maleta nga addaan ti 2.6 kilo ti heroin.
Segun iti Department of Migrant Workers, napateg iti kaso na iti prinsipyo ti non-punishment para kadagiti trafficking victim a naloko wenno nagundawayan iti panagaramid iti krimen a resulta ti trafficking.
