Pinermaanen ni Presidente Ferdinand Marcos Jr. iti absolute pardon para kenni Mary Jane Veloso.
Ni Veloso a biktima iti human trafficking ket naibalud ti nasurok 14 a tawen idiay Indonesia kalpasan a nasentensyaan iti bitay.
Naispal isuna kalpasan iti apela idi ni sigud a Presidente Benigno Aquino III kenni sigud nga Indonesian President Joko Widodo.
Kalpasan ti atiddog a negosasyon ti nagbaetan ti Pilipinas ken Indonesia ket naisubli isuna ditoy pagilian idi Disyembre 2024 ken temporario a naidetene sadiay Correctional Institution for Women idiay Mandaluyong.
Babaen iti absolute pardon, naan-anayen a nawaswas dagiti pannusa kenni Veloso kasta met a naikkan isunan iti gundaway a makadwa manen iti pamilya na.
