LA UNION – Kinumpirma ti Department of Foreign Affairs (DFA) a makaawiden ditoy pagilian ni Mary Jane Veloso inton Disyembre 18.
Segun kenni DFA Undersecreteray Tess Lazaro, nga agarop alas-6:00 ti agsapa inton Disyembre 18 a sumangpet ditoy pagilian ni Veloso.
Maipalagip a naaresto iti 39-anyos a ni Veloso gaputi panagimet ti iligal a droga a heroin nga agdagsen ti 2.6 kilos idiay Indonesia idi 2010.
Tawen 2015 idi kanselaren ni President Joko Widodo iti panangbitay kenni Veloso, gapu iti maipagarop a human trafficking.
Idi Hunyo 2023 ket binisita isuna ti pamilya na idiay Yogyakarta, idi Enero ket immapela ti pamilya na kenni President Ferdinand Marcos Jr, para iti clemency daytoy.
Idi Nobyembre ket imbaga ni Pres. Marcos a nagtulag iti Pilipinas ken Indonesia nga iyakar ditoy pagilian ni Veloso, banag a pinagyamananna iti baro a Presidente ti Indonesia a ni President Prabowo Subianto.
Immapela met iti nagannak ni Veloso, nga ibalud laengen ni Mary Jane iti pasilidad ditoy Pilipinas nga addaan ti nairut a seguridad gaputi panagdanag a posible nga agpangta iti international drug syndicate.
