LA UNION – Ipasidong ti Bureau of Corrections (BuCor) ni Mary Jane Veloso iti lima nga aldaw a quarantine period apaman a makasangpet ditoy pagilian.
Inlawlawag ti BuCor a paset ti protocol da para iti baro a person’s deprived of liberty (PDL’s) nga iturong iti Correctional Institution for Women idiay Mandaluyong ni Veloso tapno ipasidong iti quarantine.
Segun pay iti liderato ti BuCor, agtalinaed iti maysa a designated isolation area ni Veloso para iti maysa a medical observation ken maisayangkat metten ti medical ken physical examination kenkuana tapno maamwan nu adda sagubanit daytoy a pisikal wenno mental a sakit.
Kalpasanna, makitaripnong ni Veloso iti corrections supervisor kas paset ti registration process ken tapno mangipaay metten ti contact information para iti pamilya ken authorized visitors wenno dagiti mabalin a bumisita kenkuana.
Kabayatanna, kalpasan iti quarantine period ni Veloso inton December 24, mabalinen a mabisita isuna ti bukod na a pamilya.
