Binugaw ti Taiwan Coast Guard (TCG) dagiti Chinese fishing boats a nanggandat a sumrek iti restricted waters a naglawlaw iti Dongsha Islands – isla a kontrolado ti Taiwan ken paset iti South China Sea.
Kadagiti naglabas nga aldaw, pinapanaw ti TCG dagiti dua a Chinese fishing boat nga ilegal a nagkalap iti mapagsusupiatan a baybay. Dagos a pimmanaw iti maysa kalpasan iti maulit-ulit a pakdaar, bayat a nausaran met iti water cannon ti maikadua idi impilit daitoy nga agtalinaed.
Agtultuloy iti panagbantay ti Taiwan kadagiti Chinese fishing vessel nga ipilpilit a sumrek iti restricted waters ken agtaltalinaed a nakadeploy dagiti barko da iti nasao a lugar.
Kabayatanna, impadamag iti Taiwan Ministry of National Defense a 23 Chinese military aircraft, pito (7) a naval vessel, ken pito (7) metlaeng nga official ship ti namonitor iti aglawlaw ti isla da manipud bigat iti Oktubre 1 agingga October 2.
