Malaksid iti posible a peggad iti utek, maikonkonektar met iti ad-adda nga panagadu ti taba iti bagi, partikular iti nauneg a pase ti tiyan, iti kadawyan a panagkonsumo dagiti ultra-processed foods.
Maibasar iti panagadal ti aganay 8,800 Canadian adults, nasurok-kumurang innem a porsiyento a nangatngato iti pakabuklan a taba iti bagi dagiti nag-konsumo ti kaaduan nga ultra-processed foods, bayat a walo a porsiyento met iti inngato ti visceral fat wenno taba iti aglawlaw ti organo.
Segun kadagiti eksperto, mabalin a mangigubuay ti panag-umbal iti bagi ti sobra a visceral fat ken makaapektar iti salun-at dagiti blood vessel, karaman dagiti adda iti utek.
Mabalin a makanayun iti peggad ti nangato a blood pressure ken diabetes.
Karaman kadagiti ultra-processed foods iti nasasam-it nga inumen, processed meats, nakabalkot a meryenda, ken sumagmamano a produkto nga addaan ti adu nga asukar, asin, ken additives.
Nupay kasta, saan pay a sigurado nu dagito a makan iti rason dagiti panagbalbalow a nakita iti utek.
Irekrekomenda dagiti eksperto iti ad-adda a balanse a pannangan ti prutas, nateng, beans, oats, mani, ken dadduma pay a taraon a saan unay a naproseso.
