Binigbig ti Korte Suprema a constitutional iti unprogrammed appropriations tapno ipaayan ti flexibility iti panaggastos iti gobyerno, ngem nangituding daytoy iti nairut a limitasyon.
Gaputi dayta, winaswas ti kangatuan a pagukuman iti P449.5 billion a nainayon iti 2024 unprogrammed appropriations agraman iti P17.992 billion a nainayon iti 2025 Special Road Fund.
Inlawlawag ti Korte a nupay saan nga unconstitutional iti amin nga unprogrammed funds, saan a rumbeng nga usaren daytoy tapno malusutan dagiti constitutional restriction iti panaggastos ti pondo ti ili.
Iti sidong ti operative fact doctrine, agtalinaed a valid dagiti naipatungpal a proyekto nu agtignay nga in-good faith dagiti benepisyaryo.
Impaganetget pay ti pagukuman a ti Presidente iti mangisag-sagana ti national budget bayat a ti Kongreso ti mangilatang ti pondo iti uneg dagiti naituding a limitasyon.
Kabayatanna, inwaragawag ni Supreme Court Spokesperson Atty. Camille Ting a saan pay a final and executory iti desisyon agsipudta adda pay ti 15 nga aldaw dagiti partido tapno mangidatag ti motion for reconsideration.
