Marigatan ti depensa ni Bise Presidente Sara Duterte a mangsupring iti ebidensia ti prosekusion a mainaig iti alegasion nga P818 million a saan a mailawlawag a kinabaknang a posible a dumanon iti P1.5 billion, segun kenni House impeachment spokesperson Ace Barbers.
Segun kenni Barbers, naibasar ti ebidensia kadagiti dokumento manipud mismo kenni VP Duterte ken kadagiti ahensia ti gobierno, pakairamanan ti Statement of Assets, Liabilities and Net Worth (SALN), income tax filings-da iti asawana a ni Mans Carpio, ken rekord ti shareholding kadagiti korporasion.
Maibasar kadagiti dokumento a naiparang iti impeachment court, ngimmato ti declared net worth ni Duterte manipud P7.2 million idi tawen 2007 agingga iti P98 million idi 2025.
Nagparang pay manipud kadagiti bank records dagiti balanse a saan a maitunos iti SALN-na a mangidekdeklara nga awan ti cash on hand ken cash in bank manipud 2019 agingga 2025.
Kabayatanna, nakaituding a mangrugi ti depensa a mangidatag ti ebidensia inton Nobiembre 9, iti panagtultuloy ti impeachment trial kalpasan ti pannakalagip ti Undas.
Ti gatad nga P818 million agingga iti P1.5 billion ket maibasar iti panaganalisar ti forensic financial audit expert nga indatag ti prosecution.
Nupay kasta. dagitoy ket maibilang pay laeng a kas alegasion ken awan pay ti pinal nga sentensia manipud iti impeachment court.
