SAN JUAN, LA UNION — Pormalen a narugian ita nga aldaw iti Mierkules, Oktubre 28, iti San Juan leg ti La Union Surfing Break 2026, tampok iti surfing competition sadiay Urbiztondo Beach kas paset iti panagrambak iti ili a nalatak para iti dalluyon na.
Nangrugi iti kompetisyon itay alas-siete ti bigat ken nakatuding nga agleppas inton Oktubre 31. Ad-adda a nakapamaysa iti pasalip kadagiti partisipasyon ti local surfers, partikular dagiti surfing instructors.
Kinuna ni Gino Osvi Mabalot, Municipal Disaster Risk Reduction and Management Officer iti ili ti San Juan a karaman iti surfing competition kadagiti kangrunaan nga aktibidad para iti tinawen a Surfing Break.
Kabayatanna, silulukat met para iti La Union Surf Club dagiti surfers iti intero a probinsya, nu laketdi nakanaed wenno residente dan iti saan a bumaba ti innem a bulan.
Malaksid iti surfing competition, nakatuding pay a maisayangkat kadagiti sumaganad nga aldaw iti Pawe-can Race, Glow Run, music festival, ken surf art installation a panggep ket makaipaay iti nagduduma a wagas para kadagiti residente, surfers, ken gangganaet a bisita a makisalip iti event.
Agleppas iti programa babaen iti La Union Surfing Break Finale Concert, nu sadinno ket agpabuya dagiti national bands a kas ti Hale ken Nobela. Manamnama met iti panagdar-ay pay dagiti sabali a celebrities a kas kadagiti napalpalabas a tawen. | via Bombo Rafael Galano
