Impasigurado ti Samahan ng mga Magbabangus sa Pangasinan (SAMAPA) nga umdas iti suplay ti bangus iti probinsia agingga Disyembre, laksid ti agtultuloy a distribusyon daitoy kadagiti nadumaduma a paset ti pagilian.
Segun kenni SAMAPA President Christopher Aldo Sibayan, P170 agingga P180 kada kilo iti agdama a presyo ti bangus, depende iti kadakkel, timbang, ken kinaadu ti gatangen.
Inlawlawag ni Sibayan a nababbaba iti presyo ti bangus idiay Metro Manila agsipudta adda met dagiti suplay manipud Bulacan ken Laguna, nu sadinno nababbaba iti production cost.
Manamnanama met nga agsarak iti presyo kadagiti merkado nu agleppasen iti harvest season kadagiti dadduma a probinsya.
Apagapaman met a ngimmato iti demand ti bangus ita nga Undas gapu ti panagadu dagiti bakasyunista.
Kabayatanna, agtultuoy iti distribusyon ti SAMAPA kadagiti nadumaduma a paset ti pagilian, kas iti Navotas, Malabon, ken Cagayan Region.
Mapatta-patta a kagudua ti pakabuklan a produksyon ti bangus idiay Pangasinan iti maiyak-akar ti ruar ti probinsia, bayat a ti nabatbati a kagudua ket maitukon para iti lokal a konsumo.
