Naitaray iti ospital ni US Senator Chris Murphy kalpasan a ma-stroke, Sabado ti malem, aldaw idiay Estados Unidos, segun iti chief of staff na a ni Allison Herwitt.
Saan a marikna iti 53-anyos a senador iti takyag na bayat nga agbuybuya iti hockey game ti putot na. Immun-una isuna a naiturong ti maysa a pasilidad sakbay a naiyakar sadiay Johns Hopkins para iti nainget a monitoring.
Segun met iti opisina na, nakariing, addaan puot, ken alerto ni Murphy, kasta met a natalged iti panagtignay iti treatment, isu a mangnamnama dagiti doctor a naan-anay isuna nga agimbag.
Sakbay iti insidente, aktibo isuna iti kampanya ti nagduduma a paset ti pagilian para kadagiti pada na a Democrats daitoy nga umadani a midterm elections, nga uray saan met a kandidato isuna ita a tawen.
Agturong Kuma isuna sadiay New Hampshire iti Dominggo, Lunes ditoy Pilipinas, tapno suportaran ti kampanya dagiti Democrats a mababawi iti mayorya sadiay US Senate.
Immun-una a nabotosan idiay Senado idi 2013, ni Murphy ket karaman kadagiti nagan a konektado iti posible a tumaray iti 2028 Democratic presidential primary.
