Nakaituding nga agturong idiay Malaysia iti Gilas Pilipinas inton Nobyembre 21 kas panagsagana iti maikalima a window ti FIBA World Cup Asian Qualifiers.
Tarigagay iti nasapa a panagbiahe ti bunggoy a maikkan ni head coach Tim Cone ken dagiti players ti agingga lima nga aldaw tapnu makabisado iti lugar ken iti playing court idiay Karisma Arena, Seremban City.
Mangisayangkat met ni Cone ti mini-camp tapnu masaganaan pay ti team dagiti umadani a laban ken mapapigsa iti tsansa a makastrek iti FIBA World Cup a maangay idiay Doha, Qatar inton sumaruno a tawen.
Manamnama a sumaruno idiay Malaysia inton Nobyembre 22 dagiti sumagmamano nga overseas players nga isuda Dwight Ramos, AJ Edu, ken Kevin Quiambao. Posible met a makadua ti koponan ni Kai Sotto.
Namnamaen met a makaay-ayam iti naturalized player ti Pilipinas a ni Bennie Boatwright.
Iti agdama addaanen ti four wins ken four losses iti Gilas Pilipinas ken addaa iti maikalima a puwesto iti Group E. Mangidadaulo iti grupo ti Australia, a sinarunuan ti New Zealand, Iran, ken Jordan.
Iti maikalima a window, umuna a makasango ti Gilas iti Syria inton Nobyembre 27 ken iti Iran met inton Nobyembre 29.
Kabayatanna, nakasiguron iti Australia ti puwesto iti World Cup, bayat a dua pay a kalaingan a grupo iti mairaman ti sumaruno a lebel ti torneo.
