Pormal a nalukatan ti solar lighting system idiay Barangay Fernando, Santo Tomas, La Union kalpasan ti naisayangkat nga inauguration ceremony idi Nobyembre 9, 2026.
Ti seremonya ket indaulwan ti Department of the Interior and Local Government (DILG) Regional Office I, iti pannakitinnulong ti DILG La Union Provincial Office ken ti lokal a gobyerno ti Santo Tomas.
Naponduan daytoy ti nasurok P1.1-M iti sidong Seal of Good Local Governance Incentive Fund (SGLGIF).
Babaen kadagiti baro a naimuntar a solar lights, masilawan iti kalsada ti barangay ken agbalin a natalged iti panagdalyasat dagiti residente nangruna iti rabii.
Segun iti ahensiya, ti nasao a proyekto ket mangipakita iti agtultuloy a tarigagay ti gobyerno a mapadur-as dagiti pampubliko nga imprastruktura, mapapigsa ti kinatalged ti publiko, ken panangipakita ti agtultuloy a panagdur-as dagiti kangrunaan lugar a pakairamanan kadagiti barangay .
