Nakatuding nga ibunong ti Department of Social Welfare and Development iti P10,000 kas financial aid ken family food packs kadagiti apektado a food stalls ken vendors iti maisayangkat nga ASEAN Summit iti sumaruno a lawas.
Maipalagip a temporaryo a naiparikep iti sumagmamano a food stalls idiay Pasay ken Parañaque kas paset iti security measures bayat nga agtultuloy ti ASEAN summit.
Iti inruar nga statement ni Social Welfare Secretary Rex Gatachalian, siniguro na a makaipaay da ti nasapa a tulong para kadagiti naapektaran a food stall owners idiay Pasay City ken Parañaque City.
Innayon pay ni Gatchalian a kumidkiddaw da ti dispensar kadagiti Pilipino nga apektado iti temporaryo a panagrikep.
Impaganetget ni Gatchalian nga uray dakkel ti papel ti ASEAN summit ditoy Pilipinas, importante latta a maikkan ti atensiyon ken prayoridad iti pagbiagan ti tunggal umili a Pilipino.
Kabayatanna, kinuna ti sekretaryo a rinugyan da nga ibunong ti payout kadagiti agtagikua ti food stall idi Domingo ken manamnama a makumpleto inton Biyernes, Nobyembre 13, iti panangipaay ti financial aid ken kasapolan nga assistance dagiti vendors ken pamilya sakbay a mangrugi ti summit.
Iti agdama, 30 nga establisyimento ti nakaawaten ti P10,000 bayat a 1,300 vendors ti nakatuding nga umawat ti tulong pinansyal inton bigat, Biyernes.
