Suspendido iti number coding scheme idiay Metro Manila manipud inton Lunes, Nobyembre 16, agingga Miyerkules, Nobyembre 18, gapo paylaeng iti pannakaisayangkat iti 49th ASEAN Summit ditoy Pilipinas.
Tarigagay iti suspensiyon a mapalaka dagiti biyahe ti motorista ken maliklikan iti kanayunan nga istorbo kabayatan ti pannakaisayangkat dagiti aktibidad para iti panagtataripnong dagiti lider ken delegado kadagiti nagduduma a pagilian.
Iti las-ud ti tallo nga aldaw ket saan paylaeng a maipatungpal iti Unified Vehicular Volume Reduction Program (UVVRP) wenno number coding scheme kadagiti ciudad idiay Metro Manila.
Nupay kasta ket naballagan met dagiti motorista nga agtalinaed a nakabantay kadagiti abiso mainaig iti possible a pannakaipaserra dagiti kalsada ken panagbalbaliw iti taray ti trapiko.
