Desidido iti Southern Police District (SPD) nga idatagan ti kaso iti nasurok 200 nga indibidwal a naaresto gaputi panangisayangkat da ti iligal a tignay protesta.

Segun kenni SPD Director Police BGeneral Rodel Pastor nga inaresto da dagitoy idiay Sucat People’s Park idiay Muntinlupa City idi kalman, aldaw ti Domingo, iti panagrugi ti 49th ASEAN Summit.

Nailugan dagitoy iti tallo a truck ti Philippine National Police.

Kaadwan a naaresto ket miyembro ti Timog Katagalugan.

Naaddaan ti komosyon idi saan a nakitinnulong dagiti protesters kadagiti otoridad tapno maaddaan ti nakapya a tignay protesta.

Inlawlawag ni Pastor nga ipat-patungpal da laeng iti pagrebbengan wenno trabaho dagitoy.

Immuna a nakikoordinar dagiti otoridad iti grupo ngem impilit da a mangisayangkat ti tignay protesta ken nangisayangkat da pay ti programa iti kalsada.

Naiturong met iti ospital iti sumagmamano a protesters a natalimudaw gapu iti nasasaruno a komosyon.

Dagiti naaresto nga indibidwal ket temporaryo a naiturong iti National Capital Region Police headquarters idiay Camp Bagong Diwa idiay siyudad ti Taguig.

Kinondinaren ti grupo iti implementasyon ti Pax Silica Initiative ken iti Luzon Economic Corridor ditoy PIlipinas

Kontraen pay ti grupo iti panagbisita ni US President Donald Trump a dumar-ay iti 49th ASEAN Summit.