Saan a maileppas ti pannakaisapinal iti mabukbukel a Code of Conduct iti pagin-innagawan a kabaybayan iti Southeast Asia, kabilang iti West Philippine Sea nga idaulwan ti Pilipinas ita a 49th Association of Southeast Asian Nations Summit, imbes ket namnamaen a malpas iti sumaruno nga ASEAN summit idiay Singapore inton 2027.

Iti press briefing iti International Media Center, inlawlawag ni Foreign Affairs Secretary Maria Theresa Lazaro nga adda iti sumagmamano nga isyu iti saan pay a napagnumwan, isunga italek ti Pilipinas iti panangi-sapinal idiay Singapore.

Immunan nga imbaga ti sekretaryo nga aganay 80 a porsiyento ti nalpas iti katulagan, nga addaan ti tarigagay a mangituding ti allagaden tapno maliklikan iti tensiyon ken komprontasyon iti pagin-innagawan a kabaybayan.

Inlawlawag ni Lazaro a kabilang kadagiti makagapo ti pannakaitantan ket iti naduma a kapanunotan wenno opinyon dagiti 10 a pagilian kabilang iti Asean ken China, ken dadduma pay a sensitibo nga isyu legal.

Kabilang ditoy iti posibilidad a kasapolan ti sumagmamano a pagilian nga aprubaran wenno pasingkedan pay laeng iti bukod a kongreso ti nasao a katulaganan.

Impaganetget ti sekretaryo a nu naikkan koma laeng iti Pilipinas ti kanayunan a lima agingga innem a bulan, posible a nalpas koman ti katulagan iti sidong ti panangidaulo na iti ASEAN summit.

Kabayatanna, numan saan pay a naisapinal iti Code of Conduct, kinuna ni Lazaro a maibilang latta daytoy a ballaygi ti Pilipinas agsipudta manipud iti mapatta-patta a 50 a porsiyento a progreso ket umaboten daytoy ti 80 porsiyento iti panawen ti panangidaulo ti pagilian iti ASEAN.

Segun pay iti sekretaryo, addan iti maudi a paset ti negosasyon iti nasao a katulagan ken bigbigen ti pagilian iti didekasyon ken iti pannakitinnulong dagiti delegado tapno mabukel daytoy, partikular iti China ken Malaysia a co-chair ti Code of Conduct.

Ti nasao a Code of Conduct ket napateg agsipudta addaan daytoy iti tarigagay a mangituding ti allagaden iti panangtratar dagiti susik iti disputed water iti SouthEast Asia, a pakaibilangan iti Pilipinas ken China ken dadduma pay a pagilian a mangtag-tagikua iti nasao a teritoryo.